സെയിന്റ് തെരേസാസ് കോളേജ് മുൻ ചെയർപേഴ്‌സൺ നികിതാ നയ്യാർ അന്തരിച്ചു

കൊച്ചി: സെയിന്റ് തെരേസാസ് കോളേജ് മുൻ ചെയർപേഴ്‌സൺ നികിതാ നയ്യാർ (21) അന്തരിച്ചു. വിൽസൺസ് ഡിസീസ് എന്ന അപൂർവ രോഗബാധയെത്തുടർന്ന് ചികിത്സയിലിരിക്കെയായിരുന്നു മരണം. രണ്ടുവട്ടം കരൾ മാറ്റിവെക്കൽ ശസ്ത്രക്രിയയ്ക്ക് വിധേയയായിരുന്നു. രണ്ടാമത്തെ ശസ്ത്രക്രിയ കഴിഞ്ഞ് ഒരാഴ്ചയ്ക്കിടെയാണ് മരണം.

ബിഎസ് സി സൈക്കോളജി വിദ്യാർഥിനിയായിരുന്നു. കൊല്ലം കരുനാഗപ്പള്ളി സ്വദേശിനിയാണ്. ഷാഫി സംവിധാനം ചെയ്ത മേരിക്കുണ്ടൊരു കുഞ്ഞാട് എന്ന ചിത്രത്തിൽ ബാലതാരമായി അഭിനയിച്ചിട്ടുണ്ട്. അമ്മ: നമിതാ മാധവൻകുട്ടി (കപ്പാ ടിവി). പിതാവ്: ഡോണി തോമസ് (യുഎസ്എ). പൊതുദർശനം തിങ്കളാഴ്ച രാവിലെ എട്ട് മുതൽ ഇടപ്പള്ളി നേതാജി നഗറിലെ വീട്ടിൽ നടക്കും. സംസ്‌കാരം കൊച്ചിയിൽ നടക്കും.

Content Highlights: st therasas college ex chairperson nikitha neyyar passed away